Аивдауарзджыты *хсæн уыд театры аивадон разамонæг Гергиты Валерий
Суанты Валерийы премьерон спектакль «Парфюмер» аншлагимæ ацыд Санкт-Петербурджы Мариинаг театры историон сценæйы. Иу изæрмæ йæ равдыстой 2 хатты. Ирд фæлгонцтæ, алыхуызон тæфы хореографион визуализаци, оригиналон декорацитæ æмæ костюмтæ. Аивдауарзджыты *хсæн уыд Мариинаг театры аивадон разамонæг Гергиты Валерий. Маэстро стыр аргъ скодта Суанты Валерийы куыстæн æмæ раарфæ кодта артисттæн. Сæйраг партитæ сæххæст кодтой Малиты Азæмæт, Виолетта Магомедханова æмæ Мариинаг театры прима-балерина Юлия Малахина. Уæ зæрдыл уын лæууын кæнæм, 2018-æм азы Мариинаг театры концертон залы аншлагимæ æвдыст æрцыд Суанты Валерийы спектакль «Портрет Дориана Грея». Уый дæр райста критикты бæрзонд бæрæггæнæн.
