Районы цæрджыты размæ рахастой францусаг драматург Жан Ануйы пьесæмæ гæсгæ æвæрд спектакль «Бал воров»
Театры боны кадæн Мæздæджы æнтыстджынæй ацыдысты Евгений Вахтанговы номыл Уырыссаг академион театры гастрольтæ. Районы цæрджыты размæ рахастой францусаг драматург Жан Ануйы пьесæмæ гæсгæ æвæрд спектакль «Бал воров». Цардæй ист нывтæ, диалогтæ раст цыма сценæйы æмæ залы хсæн арæнтæ ахах кодтой, афтæ рауад. Стыр æххуыс сын бакодтой актерты костюмтæ æмæ декорацитæ дæр. Спекатлы бындуры ис — раст фæндаг равзарыны фарста. Сæйраг хъайтары хъуыди равзарын цавæр æхсæнады йæ фæнды цæрын, уый. Ома — фыдгæнджыты, æви æхсæнады уæлдæр æмвæзады уæнгты хсæн. Ацы аз Уырыссаг театрæн у юбилейон, æххæст ыл кæны 150 азы. Труппæмæ ис бирæ фæндтæ æмæ нысантæ. Сæ иу — республикæйы æппæт районтæ бабæрæг кæнын. Мæздæджы районы сывæллæттæн ма æвдыст æрцыди аргъау «Волшебная лампа Аладдина». Афтæмæй сфæлдыстадон уылæныл уæвгæйæ, скъоладзаутæн фæци сæ ахуыры азы æртыккаг хай, æмæ сын райдыдтой каникултæ.
