16 сентября 2022, 10:44
Цæгат Ирыстоны академион театр архайы национ театрты æппæтуæрæсеон фестиваль «Федераци»-йы
Режиссер Битарты Алыксандр Цæцæны республикæйы аивадуарзджыты размæ рахаста Чеховы уыцмысмæ гæсгæ вæрд спектакль «Палата №6»
Тæбæхсæуты Балойы номыл Цæгат Ирыстоны академион театр архайы национ театрты 4-æм æппæтуæрæсеон фестиваль «Федераци»-йы. Режиссер Битарты Алыксандр Цæцæны республикæйы аивадуарзджыты размæ рахаста Чеховы уыцмысмæ гæсгæ вæрд спектакль «Палата №6». Ирдæй дзы зынынц æхсæнады аиппдзинæдтæ, адæмы æгæрон фарстатæ, нырыккон царды фæзилæнтæ. «Федераци»- у стыр театралон форум. Адæмыхæттыты иу кæны культурæйы фæрцы, Уæрæсейы цы нацитæ цæры, уыдоны бастдзинæдтæ кæнынц фидардæр. Форум арæзт цæуы Уæрæсейы культурæйы министрад, театралон архайджыты Цæдисы æмæ Цæцæны республикæйы разамынды æххуысæй.