Ацы аз йæ темæ уыд «Истори æмæ историтæ»
Цæгат Ирыстоны арæзт æрцыд акци «Музейты æхсæв». Ацы аз йæ темæ уыд «Истори æмæ историтæ». Республикæйы æппæт музейтæ дæр куыстой изæрдалынгтæм. Аивадуарзджытæн фадат уыд цымыдисаг экспозицитæ фенынæн. Зæгъæм: «Один день из жизни Булгакова», Гергиты Валерийы юбилейы фæдыл равдыст, Кавказ суæгъд кæныны темæимæ баст равдыст. Уымæй дарддæр программæйы уыдысты зæрдæбын ныхæстæ, зарджытæ æмæ кæфтытæ. Национ музейы къæсæрæй бахизгæйæ, фенæн уыдис историон-этнографион музей «Дугты фæд». 70 экспонатæй фылдæр, æмæ се ппæт дæр историйы æвдисæнтæ. Дзурæг сты Кавказ знагæй суæгъд кæныны бонтыл. Уæвгæ, музейты æхсæв фадат дæтты аивады тыгъдад æххæстæй банкъарынæн. Афæдзæй-афæдзмæ йæ программæ кæны хъæздыгдæр æмæ цымыдисагдæр.
