Фыццаг хатт сфæлдыстадон къорд «Босхомджи»-Возрождение-йы тыххæй адæм фехъуыстой 6 азы размæ
Цæгат Ирыстоны нывгæнджыты Цæдисы байгом æрыгон хъалмыхъаг нывгæнджыты равдыст. Фыццаг хатт сфæлдыстадон къорд «Босхомджи»-Возрождение-йы тыххæй адæм фехъуыстой 6 азы размæ. Проекты сæйраг нысан у æрыгон сфæлдыстадон кусджытæн æххуыс кæнын. Фыццаджыдæр – студенттæн, стæй аивæдты уæлдæр æмæ астæуккаг ахуыргæнæндæтты рауагъдонтæн. Цымыдисаг равдыстмæ бахастой, къорд «Босхомджи» фæстаг азтæм цы куыстытæ бакодта, уыдон. Æмтгæй райсгæйæ, 40 уацмысæй фылдæр. Конд сты алы аивадон хуызы: нывкæнынад, графикæ, скульптурæ æмæ æрмдæсныйад. 6 авторæй алкæмæн дæр ис йæхи стиль. Фæлæ сæйрагдæр сты – профессионалон миниуджытæ æмæ ирд сурæттæ. Равдыст фенæн уыдзæн 28-æм апрелы онг.