Фæткъуыты дыргъдоны куыстуат сарæзта продукци дæргъвæтин рæстæг кæм нæ фесæфдзæн, ахæм бæстыхай
Цæгат Ирыстоны сæххæст кодтой ноджыдæр ма иу инвестицион проект. Фæткъуыты дыргъдоны куыстуат сарæзта продукци дæргъвæтин рæстæг кæм нæ фесæфдзæн, ахæм бæстыхай. Компани «Владка» пайда кæны италиаг технологийæ. Дыргъты скълады ныртæккæ ис 1000 тоннæй фæткъуы, æмтгæй та дзы бацæудзæн 2 мины 500 тоннæйы. Ифтонг у автоматикон кусæнгæрзтæй, фæткъуыты хæрзхъæддзинадæн зиан чи нæ хæссы, ахæм хъацæнтимæ. Ахæм скълады фæрцы ныр базарты æмæ дуканиты тæрхæджытæ афæдзы дæргъы дзаг уыдзысты бынæттон фæткъуыйæ.
Инвестицион проект царды рацыд 8 мæймæ, йе вæрæн æм бахаста республикæйы инвестицион райрæзты корпорации дæр. Объект кадджын уавæры гом кæнгæйæ нæ республикæйы сæргълæууæг Битарты Вячеслав фæнысан кодта йæ ахадындзинад. Йæ ныхæстæм гæсгæ ныртæккæ республикæйы арæзт цæуынц æнгæс проекттæ. Уый ахсджиаг у нæ экономикæйы райрæзтæн. Компани «Владка» та нысан кæны проекты тых 2 хатты фæфылдæр кæнын.
