Нæ республикæ сси, ацы аз специалисттæ кæй бабæрæг кодтой, ахæм фыццаг регион
Цæгат Ирыстоны сæнуадзæг куыстуæтты аудит сарæзтой Уæрæсейы профилон эксперттæ. Нæ республикæ сси, ацы аз специалисттæ кæй бабæрæг кодтой, ахæм фыццаг регион. Æмбырды архайдтой Уæрæсейы хъæууон хæдзарады министрады хойраджы куыстгæнæг департаменты директоры хæдивæг Ирина Федина, сæнуадзджыты Ассоциацийы æххæстгæнæг директор Алексей Плотников, куыстуат «Винный гид России»-йы разамонæг Олеся Буняева, стæй республикæйы хъæууон хæдзарады æмæ экономикон министрадты минæвæрттæ. Ныртæккæ Цæгат Ирыстоны кусынц 4 лицензион куыстуаты. Уадзынц сæн æмæ сæны продукцийы алы хуызтæ. Ацы къабазæн баххуыс кæныны тыххæй Цæгат Ирыстонæн радих кæндзысты 104 милуан сомæй фылдæр. Хæстæгдæр 5 азы та ма нæ регионы нысан кæнынц 600 гекатры сæнæфсир ныссадзын.
