Ныридæгæн Уæрæсейы ис цалдæр плантацийы – Мæскуымæ хæстæг, Воронежы облæсты æмæ Дæллаг Новгороды
Цæгат Ирыстоны спаржæйы тыллæг ацы аз фæфылдæр. Ныридæгæн Уæрæсейы ис цалдæр плантацийы – Мæскуымæ хæстæг, Воронежы облæсты æмæ Дæллаг Новгороды. Алкæцы дæр дзы 10-15 гектарæй фылдæр нæу. Ирыстоны та ныссагътой 50 гектарæй фылдæр. Культурæ зайын кæнынц Архонкæйы цур. Спаржæ хицæн кæны уымæй, æмæ гыццылæй йæ куы слыг кæнай, уæд нымад вæййы халсарыл. Фæлæ æнæуи та у бирæазон къутæр. Æмæ уыцы иу бынаты культиваци фæкæны 10 – 15 азы. Уымæ гæсгæ йæм зилын дæр зын у. Хъæуы алцыдæр хорз æххæст кæнын. Ныридæгæн фермерон хæдзарад ифтонг кæны канд республикæйы базартæ нæ. Тыллæджы фылдæр хай арвитынц æндæр регионтæм дæр. Фылдæр хатт Мæскуымæ. Халсар лыг æмæ уæймæ цæттæ кæнынц нырыккон техникæтæм гæсгæ. Куыстуаты фæнд кæнынц хи мыггаг саразын, цæмæй фидæны фæсарæйнаг æппытæй ма пайда кæной, уый тыххæй.
