12 марта 2020, 12:58
Цæгат Ирыстоны уыд Цæцæны республикæйы ахуыргæнджыты делегаци
Сæ балцы нысан уыд культурæйы къабазы ахуыргæннæдæтты куыстимæ базонгæ уæвын
Цæгат Ирыстоны уыд Цæцæны республикæйы ахуыргæнджыты делегаци. Сæ балцы нысан уыд культурæйы къабазы ахуыргæннæдæтты куыстимæ базонгæ уæвын. Уыдысты аивæдты лицейы, сывæллæтты 1-æм музыкалон скъолайы æмæ Гергиты Валерийы номыл аивæдты колледжы. Алы ран дæр сын скодтой экскурси, сарæзтой концертон программæ. Делегацийы хыгъдмæ хаст арцыдысты сыхаг республикæйы ахуыргæнджытæ, директортæ æмæ сæ хæдивджытæ. Æрдзырдтой иумæйаг фарстатыл. Сæ балц арæзт уыд Цæцæны республикæйы культурæйы министрады хъæппæрисæй.