Аивадон фембæлды равдыстой, фестиваль «Киноавказ-2022»-йы хуыздæр куыстытæ
Цыбыр кинонывты изæр арæзт æрцыд Дзæуджыхъæуы кинойы Хæдзары. Аивадон фембæлды равдыстой, фестиваль «Киноавказ-2022″-йы хуыздæр куыстытæ. Стыр æргом аздæхтой уæрæсейаг кинолентæтæм. Афтæмæй нырыккон режиссертæн фадат фæзынд сæ курдиат раргом кæнынæн æмæ уæрæх кинопрокатмæ рацæуынæн. Не мзæххонтæй фестивалы чи бацархайдта, уый тыххæй радзурдзæн Сосранты Жаннæ.
Иу изæрмæ Дзæуджыхъæу сси цыбыр кинонывты центр. Сценарист Битарты Ангелинæ у фестиваль «Кинокавказ 2022»-ы лауреат. Ацы аз та мадзалы равæрдта социалон ролик. Жюрийы уæнгтæ йын йæ куыст сбæрæг кодтой сæрмагонд призæй. Ныридæгæн ма Ангелинæ 2018 азы дæр сси кинофестивалы уæхахиздзау. Ацы сфæлдыстадон мадзалы архайды фæрцы ис кусæн егъау проекттыл.
Æрыгон режиссертæ цæуынц æмæ аразынц кинонывтæ æппæт Кавказы, стæй æндæр бæстæты.Фестиваль аразджыты хъуыдымæ гæсгæ исынц арф хъуыдыимæ хæрзхъæд кино. Темæтæ сты актуалон. Экранмæ хаст æрцæуынц адæмы цы ахджиаг фарстатæ тыхсын кæнынц, уыдоны тыххæй æрмæг.
Киноравдысты равæрдтой фестивалы хуыздæр кинонывтæ. Зындгон уæрæсейаг режиссер Туаты Теминæ зæгъы, ахæм мадзæлтты раргом вæййынц ног сфæлдыстадон нæмттæ. Уæлдай фылдæр цæстдард цæуы уæрæсейаг кинонывтæм. Нырыккон режиссертæн бар лæвæрд æрцыд сæхи раргом кæнынæн æмæ уæрæх кинопрокатмæ бахауынæн.
Хæрзхъæд киномæ, стæй документалистикæмæ æмхиц кæнын киномæ кæсджыты. Уыимæ æрыгон режиссерты бон у сæ фæлтæрддзинад фылдæр кæнын хуыздæр режиссертимæ архайгæйæ. Хæстæгдæр рæстæг Туаты Теминæ адæмы размæ рахæсдзæн цалдæр ног кинонывы. Сæ иу у Цхинвалы 2008-æм азы цауты тыххæй «Когда упало небо», уыимæ патриотон куыст «Малая родина».
