Наукæ интернационалон у. Фæлæ гениалон ахуыргонды фæллæйттæ æмæ царды фæндагыл дзургæйæ, алы хатт дæр ракой кæнынц, цавæр адæмы минæвар уыди, кæцы нацийы скадджын кодта. Æмæ уыдæттыл хъуыды кæнгæйæ адæймаг бæллицтыл бафты, -мæхи адæмæй та кæд уыдзæн номдзыд ахуыргæндтæ ,кæд фæзындзæн уыцы ирон лæг, наукæйы арф фæд чи ныууадза æмæ йæ тыхджын зонды руаджы мах дæр дунетæн чи базонын кæна.
Къæбицтыл куы зылдтæн, уæд бакастæн, æмæ федтон – ис дзы хъæдæрмæгæй арæзт мигæнæнтæ, æрмгуысты дæсныйад, куырды конд дзаумæттæ, ис дзы уæлæдарæс, æмæ уæд ахæм хатдзæг скодтон: ацы æрмæгыл æнæмæнг хъæуы бафтауын, уымæн æмæ Ирыстон стыр у, æрмæгæй дæр хъуамæ йæ музейы къæбицтæ дзаг уой. Æмæ уæд уыцы хъуыды зæрдыл даргæйæ, сфæнд кодтон алы аз дæр иу мæй Ирыстоны кæмттæм экспедицийы цæуын. Адихтæ сæ кодтон, æмæ райдыдтон мæ балц.
Аивад адæймагмæ бирæ алыхуызон æнкъарæнтæ æвзæрын кæны, уыимæ нывкæнынад дæр. Вæййы афтæ, æмæ адæймаг сахаты бæрц дæр лæууы иу нывы кæнæ скульптурæйы раз, æмæ дзы фæхицæн уа, уый йæ нæ фæнды, уый бæрц æхцондзинад ын хæссы. Чи та дзы æрæнкъард вæййы, гæнæн ис йæ цæссыгтæ дæр акала.
«Мæн фидарæй уырны, ирон литературæмæ æрбацыд æцæг курдиатджын поэт, æмæ йын мæ зæрдæ зæгъы стыр æнтыстытæ. Фæндараст у, Альберт, ирон поэзийы æргъæу галуанмæ». Ацы ныхæстæ нæ куырыхон хистæр æмæ поэт Уалыты Лаврент ныффыста 1997-æм азы Къодоты Альберты поэтикон чиныгæн йæ цыбыр разныхасы.
15 азы размæ йæ цардæй ахицæн 20 æм æнусы нæ культурæйы æппæты разагъды дæр лæг Абайты Васо. Йæ ном дæрдтыл куы айхъуысти æвзагзонынады, æнæхъæн дуне йын йæ куыстытæ куы базыдта, уæдæй фæстæмæ Абайы фырт ис, ацы къабазы йæ ныхас æппæты тынгдæр кæмæн кæрды, уыдоны хсæн.
