Уыдон сты Президенты кады грамотæтæ, орден æмæ майдан
Цæгат Ирыстоны 28 медиктæн, коронавирусæй рынчын адæмимæ кусгæйæ сæхи хъзуатонæй кæй равдыстой, æмæ удуæлдай куыст кæй кодтой, уый тыххæй саккаг кодтой паддзахадон хæрзиуджытæ. Уыдон сты Президенты кады грамотæтæ, орден æмæ майдан. Тæссаг вирусимæ цы дохтыртæ тох кодтой, уыдонимæ фембæлд не сфæлдыстадон къорд.
Сагкаты Аннæ тагъд æххуысы рынчындоны терапевтæй кусы 4 азы. Дохтыр суæвынмæ сабийæ бæллыд. Фæлæ пандемийæмæ фæлтæрдджын дохтыртæ дæр цæттæ нæ разындысты. Райдианты йын зын куыд нæ уыдаид. Уый фæстæ та Аннæ йæ фæллойы тыххæй хорзæхгонд æрцвд УФ-йы Президенты кады гæххæттæй
Æнæкæрон уæззау радхæссæг куыст, рыны ныхмæ сæрмагонд уæлæдарæс, респиратортæ, æнæхуыссæг æхсæвтæ. Уæззау уаргъ æвæрд уыд рынчындæтты кусджытыл.
Ацы хайад фыццаг æмбæлыд ковидæй рынчынтыл, сæ куыстæн та сын аргъ кæнгæйæ дохтырты схорзæхджын кодтой ахæм хæрзиуджытæй, куыд – Пироговы орден, Хъырымаг Лукайы майдан æмæ кады гæххæттытæй. Базраты Зæринæ зæгъы, тынг бирæ куыст сæм кæй уыд, фæлæ дохтыр – дохтыр у.
Чысыл баулæфыдысты æмæ та тагъд æххуысы клиникон рынчындон йæхи цæттæ кæны рынчынты ног фæлтæрмæ. Тæссаг низ цæмæй ногæй ма апарахат уа, уыимæ гæсгæ æнæниздзинадхъахъхъæнынады министрад рахаста уынаффæ рагагъоммæ куысты фæтк спълан кæнын.
Абоны бонмæ коронавирусæй рынчын 470 адæймаджы сæхи дзæбæх кæнынц амбулаторон уагæй. 39 та сты рынчындæтты.
