06 июня 2019, 12:10
Абон Уæрæсейы алы рæтты цæуынц стыр уырыссаг поэт Александр Пушкины райгуырдыл 220 азимæ баст кадджын мадзæлттæ
Традицимæ гæсгæ, Дзæуджыхъæуы поэты номыл скверы æрæмбырд уыдзысты, йе сфæлдыстадæн ын стыр аргъ чи кæны, уыдон.
Абон Уæрæсейы алы рæтты цæуынц стыр уырыссаг поэт Александр Пушкины райгуырдыл 220 азимæ баст кадджын мадзæлттæ. Традицимæ гæсгæ, Дзæуджыхъæуы поэты номыл скверы æрæмбырд уыдзысты, йе сфæлдыстадæн ын стыр аргъ чи кæны, уыдон. Цыртдзæвæныл сæвæрдзысты дидинджытæ, бакæсдзысты йын йе мдзæвгæтæ. Сæрмагонд мадзæлттæ цæуынц Мæздæджы дæр. Пушкины аргъæуттæй, поэмæтæй æмæ романтæй скъуыддзæгтæ равдыстой Мæздæджы адæмон театры сценæйы. Викторинæты æмæ конкурсты зæрдиагæй архайдтой бынæттон хицаудзинады æмæ æхсæнады минæвæрттæ. Пушкины бонтæ арæзт æрцыдысты национ-культурон æхсæнад «Русь»-ы хъæппæрисæй.
темæмæ гæсгæ
