Цалцæггæнæн куыстытæ дзы ныридæгæн фесты, ныртæккæ та музейы кусджытæ сæ бынæтты æвæрынц экспонаттæ
Дзæуджыхъæуы кæронмæ фæхæццæ кæны Национ музейы рацарæзт. Цалцæггæнæн куыстытæ дзы ныридæгæн фесты, ныртæккæ та музейы кусджытæ сæ бынæтты æвæрынц экспонаттæ. Зæгъын хъæуы уый, æмæ ам бындурон рацарæзт райдыдта цалдæр азы размæ. Сног кодтой зæронд залтæ, реставрацигæнæн æмæ кусджыты сæрмагонд агъуыстытæ. Стационарон æмæ цæугæ равдыстытæ æвдисынæн дзы сарæзтой ног экспозицион фæзтæ. Фæзынд дзы, фондтæ кæм уыдзысты, ахæм бынæттæ дæр. Ифтонг сты, раздæр дзы чи нæ уыди, ахæм нырыккон кусæнгæрзтæй. Национ музей байгом кæндзысты фæззæджы. Республикæйы цæрджытæ æмæ уазджытæ фендзысты рагон артефакттæ – æмбал кæмæн нæй, ахæм экспонаттæ, Цæгат Ирыстоны территорийы сæ ссардтой археологтæ. Уæвгæ уыцы экспонаттæ музейы уый размæ дæр уыдысты, фæлæ дзы сæрмагонд фæзтæ кæй нæ уыди, уый тыххæй сæ-иу никуы равæрдтой.
