01 декабря 2020, 12:54
Дзæуджыхъæуы ма хатдзæгтæ скодтой Æппæтадæмон равдыст-конкурсæн «Алания: ивгъуыды сурæттæ»
Сæ куыстытæ йæм 3 номинацийы бацæттæ кодтой 18 нывгæнæджы
Дзæуджыхъæуы ма хатдзæгтæ скодтой Æппæтадæмон равдыст-конкурсæн «Алания: ивгъуыды сурæттæ». Сæ куыстытæ йæм 3 номинацийы бацæттæ кодтой 18 нывгæнæджы Цæгат æмæ Хуссар Ирыстонæй, Мæскуыйæ, Краснодарæй, Санкт-Петербургæй, Венгрийæ æмæ Бельгийæ. Уæлахиздзаутæ систы куыд хъуыстгонд, афтæ æрыгон нывгæнджытæ дæр. Равдыст баст уыд Аланийыл саргъуыды 1100 азы бонимæ. Сфæлдыстадон архайджытæн фадат радта сæ курдиат раргом кæнынæн. Равдыст саразджыты хъуыдымæ гæсгæ, ацы куыстытæ равæрдзысты иннæ галерейты дæр. Иуæй-иутæй та спайда кæндзысты куыд наукон кустытæм, афтæ сывæллæттæн чингуыты эскизты хуызы.