24 января 2020, 16:19
Газет «Размæ»-йы сæйраг редактор æмæ газет «Дыгуры хабæртты» хайады сæргълæууæгæн саккаг кодтой «Цæгат Ирыстоны сгуыхт журналист»-ы ном
. Кадджын хæрзиуджытæ сын радта Цæгат Ирыстоны мыхуыры комитеты сæрдар Фидараты Юрий
Цæгат Ирыстоны сæргълæууæг Битарты Вячеславы амындмæ гæсгæ, журналистикæйы къабызы стыр профессионализм кæй равдыстой, уый тыххæй Кировы районы газет «Размæ»-йы сæйраг редактор Басаты Иринæ æмæ Дыгуры районы газет «Дыгуры хабæртты» мадæлон æвзагыл фыст æрмæджыты хайады сæргълæууæг Рæмонты Зæлинæйæн саккаг кодтой «Цæгат Ирыстоны сгуыхт журналист»-ы ном. Кадджын хæрзиуджытæ сын радта Цæгат Ирыстоны мыхуыры комитеты сæрдар Фидараты Юрий. «Цæгат Ирыстоны сгуыхт журналист»-ы ном лæвæрд цæуы 2018-æм азæй фæстæм.
