Афтæмæ ахуыргæндты сæйраг хæдзары сбæрæг кодтой зындгонд советон æмæ уæрæсейаг æвзагзонынады дæсны, этимиолог, педагог æмæ профессор Абайты Васойы райгуырды 120 азы бон
Мæскуыйы уыд Абайты Васойы англисаг æвзагмæ тæлмацгонд ирон æвзаджы историкон-этимиологон дзырдуаты фыццаг томы презентаци. Афтæмæ ахуыргæндты сæйраг хæдзары сбæрæг кодтой зындгонд советон æмæ уæрæсейаг æвзагзонынады дæсны, этимиолог, педагог æмæ профессор Абайты Васойы райгуырды 120 азы бон. Мадзалмæ æрбамбырд сты Васойы зонгæтæ, хиуæттæ, стæй йын йæ сфæлдыстадмæ куыд фæндыйыцæстæй чи нæ кæсы, уыцы адæм. Ныридæгæн мыхуыры рацыд дзырдуаты 50 экземпляры. Куыст ыл цæудзæн дарддæр дæр. Фундаменталон «Историко-этимологический словарь осетинского языка» арæзт у 5 томæй. Дзырдуатыл кусгæйæ ахуыргонд пайда кодта дунейы 190 æвзагæй. Дзырдуат англисаг æвзагмæ ратæлмац кæныны хъуыды æрцыд Торчынты Амырханмæ. Йæ рауадзыныл чи бацархайдта, уыдонæн Цæгат Ирыстоны сæргълæууæджы æмæ Хицауады номæй арфæйы фыстæджытæ радта Уæрæсейы Президенты цур Цæгат Ирыстоны минæвар Дзанайты Барис. Се хсæн дохтыртæ, спортсментæ, бизнесментæ. Пандемийæмæ гæсгæ амалы бацархайын алкæйы бон нæ баци. Чи дæртæ æрбавдыстой видоæрмæджытæ сæ хъуыдытимæ дзырдуаты тыххæй. Презентацийы куыд загъдæуыд, афтæмæй Абайты Васойы ирон æвзаджы Историон-этимологон дзырдуат нымад у хуыздæрыл йæ æцæгдзинад æмæ иллюстрациты хуызы дæнцæгтæм гæсгæ. Ахуыргонды ацы куыст никуы базæронд уыдзæн, йæ хадындзинад кæндзæн фылдæрæй фылдæр.
