17 июля 2019, 17:10
Мæздæджы районы райдыдта кæсагахсæн сезон
Æрвылазон традицимæ гæсгæ йæ байгом кодтой ерыстæй.
Мæздæджы районы райдыдта кæсагахсæн сезон. Æрвылазон традицимæ гæсгæ йæ байгом кодтой ерыстæй.
КомАровы цадты арæзт олимпиадæйы ацы аз архайдтой 70 адæймагæй фылдæр. Уыдонæн кæсаг ахсыны хъуыддаг у сæ царды ахсджиагдæр хай. Бирæтæ æрбацæуынц æнæхъæн бинонтæй. Ацы уалдзæджы цадмæ рауагътой алы хуызы 30 мин кæсаджы. Ерыстæ цыдысты 5 сахаты. Фыццаг бынат бацахста Павлодольскæйы станицæйы цæрæг. Уый æрцахста 2 килограммы кæсаджы. Уæлахиздзаутæ хорзæхгонд æрцыдысты кады гæххæттытæй. Фæстæдæр се ппæты дæр æрбахуыдтой традицион фынгмæ.
темæмæ гæсгæ
