Æппæт Кавказ иумæ. Истори, культурæ, традицитæ æмæ цаутæ иу каналы фæлгæты
Географион арæнтæ халгæйæ. Цæгат Кавказ абон цæмæй цæры, райсом йæ райрæзтæн цавæр гæнæнтæ уыдзæн, æмæ йæ бындуры цы традицитæ ис. Ацы цымыдисаг фарстатæн ныр дзуапп райсдзæн дунейы цыфæнды бæстæйы цæрæг дæр. Махачкалайы ацыди Æппæтуæрæсеон паддзахадон телерадиокомпанийы телеканал «Кавказ 24» -ы презентаци.
Æппæтуæрæсеон паддазахадон телерадиокомпанийы телеканал «Кавказ-24» ныридæгæн кусы интернеты тыгъдады. Æппæт Кавказ иумæ. Истори, культурæ, традицитæ æмæ цаутæ иу каналы фæлгæты. Æмбал кæмæн нæй, ахæм медиапроект афæдзы размæ хорзыл банымадта Æппæтуæрæсеон паддазахадон телерадиокомпанийы директор Олег Добродеев. Телеканал тесты хуызы скусын кодтой 4 мæйы размæ. Лицензи универсалон. Адæмы телеканалмæ кæсынц чырæ телефонты.
Ног телеканал баиу кодта Цæгат Кавказы федералон зылды информацион тыгъдад. Проект царды цæуы Æппæтуæрæсеон паддазахадон телерадиокомпанийы филиалты бындурыл. Йæ мидисыл ын кусынц регионалон филиалты журналисттæ. Интернет-технологиты рæзт гом кæны æгæрон гæнæнтæ.
Се мкусдджытимæ ног каналы рæзтыл кусынц ПТРК «Алани»- йы журналисттæ дæр. Нæ компани нысан кæны «Кавказ 24»-йы программæтæ æвдисын, стæй Цæгат Ирыстоны телеуынынады национ фондæй, æмбал кæмæн нæй, ахæм киноархивтæ æвдисын.
Географион арæнтæ халгæйæ телеканалмæ кæсыны фадат ис дунейы алы ран дæр.
Махачкалайы Цæгат Кавказы дзыллон информацион фæрæзты медиафембæлды генералон директоры хæдивæг – Æппæтуæрæсеон паддазахадон телерадиокомпанийы регионалон департаменты разамонæг Рифат Сабитов, арфæ ракодта, телеканалы рæзтыл чи архайы, уыдонæн се ппæтæн дæр. Фæсидти регионы дзыллон информацийы фæрæзты минæвæрттæм, суткæйы дæргъы проекты æмгуыстад кæнынмæ.
