Цæгат Ирыстоны финансты министры хæстæ рæстæгмæ æххæстгæнæг куыд радзырдта, афтæмæй фæстаг 3 азмæ республикæйы бюджет сси рæстæмбис
Проект «Хицауадимæ æргом ныхас» æххæст кæнгæйæ, ацы хатт журналистты фæрстытæн дзуапп лæвæрдта Бутаты Хъасполат. Цæгат Ирыстоны финансты министры хæстæ рæстæгмæ æххæстгæнæг куыд радзырдта, афтæмæй фæстаг 3 азмæ республикæйы бюджет сси рæстæмбис. Уымæн æмæ æфтиæгты хай аразгæ у амалхъом адæмы архайдæй дæр. 2018-æм азы хатдзæгтæм гæсгæ хъалонты æмæ æнæхъалон хи æфтиæгтæ систы 11 миллиарды æмæ 500 милуан сомы онг. Уый 2017-æм азимæ абаргæйæ у 10% фылдæр. 2015-æм азимæ абаргæйæ та бынтондæр фæфылдæр, ома 140% онг. Уый та фадат радта ивгъуыд азты кредитты хæс фæкъаддæр кæнынæн. Дзыллон информацийы фæрæзты минæвæрттимæ фемблды ма стыр æргом аздæхтой, æргом чи нæ кусы, æмæ хъалонтæ чи нæ фиды, уыдонимæ тохмæ. Бутаты Хъасполат радзырдта, ныртæккæ финансты министрады уый фæдыл цавæр куыст цæуы, уый тыххæй.
