28 октября 2020, 12:34
Театралон аивады музейы цæттæ кæнынц, ирон театры нывгæнæг Касаты Верæйы 65 азы кадæн равдыст
Цæгат Кавказы ахæм музей у иунæг
Театралон аивады музейы цæттæ кæнынц, ирон театры нывгæнæг Касаты Верæйы 65 азы кадæн равдыст. Цæгат Кавказы ахæм музей у иунæг. Проектыл рагæй куыстой. Экспозицийы ис, стæм чи у, ахæм афишæтæ æмæ хуызистытæ, зындгонд актерты хи дзаумæттæ æмæ сценикон уæлæдарæс. Хицæн залы равæрдтой Ходы Виолæйы театр «Арвайдæн»-ы ирд фæлгонцтæ. Архитектор Шмидты хæдзар-музей домы уæлдай цæстæнгас. Чи дзы кусы, уыдонæн ацы бынат сси культурæйы сæйраг артдзæст.
Кæд пандемийæ йæ кæнон кæны, уæддæр республикæйы культурон цард дарддæр цæуы. Хæстæгдæр культурон мадзæлттæ æмæ формæты тыххæй радзырдта культурæйы министры хæдивæг Дзлиаты Дзерассæ.
