Æххæстгонд цæуы национ проект «Культурæ»-йы федералон проект «сфæлдыстадон адæм»-ы программæмæ гæсгæ
Цæгат Ирыстоны Æхсæнадон музыкалон фонды сфæлдыстадон проект «Цæгат Кавказы музыкалон сезонтæ», уæлахиздзау сси æнæкоммерцион организацитæн гранттæ дæттыны конкурсы. Æххæстгонд цæуы национ проект «Культурæ»-йы федералон проект «сфæлдыстадон адæм»-ы программæмæ гæсгæ. Нæ республикæйы культурæйы министрады пресс-службæйæ куыд фехъусын кодтой, афтæмæй «Музыкалон сезонтæ» схонæн ис сфæлдыстадон фæзæй. Уый фадат дæтты Цæгат Кавказы симфонион, хоры зарæггæнджыты, камерон-инструменталон музыкæйы рæзтæн. Проекты маршрут ацы азы кæронмæ æрзилдзæн Цæгат Кавказы федералон зылды горæттыл: Дзæуджыхъæу, Налцык, Назрань, Грозна, Махачкала, Пятигорск æмæ Стъараполыл. Проект арæзт у нæ бæстæйы æмæ национ культурæ парахат кæнынмæ. «Музыкалон сезонты» аивадон разамонæг у Уæрæсейы Федерацийы аивæдты сгуыхт архайæг, Уæрæсейы композиторты цæдисы цæгатирыстойнаг регионалон хайады сæрдар Махъоты Ацæмæз.
