Йæ кадæн регионы кусын райдайзæн, абарæн кæмæн нæй, ахæм проект – бырæттæ хицæнæй æмбырд кæныны системæ.
Цæгат Ирыстоны падддзахадон университеты сбæрæг кодтой æрдзхъахъхъæныны æмæ экологийы бон. Йæ кадæн регионы кусын райдайзæн, абарæн кæмæн нæй, ахæм проект – бырæттæ хицæнæй æмбырд кæныны системæ. Аразы йæ экологон змæлд «Сансара». Бырæтты сæрмагонд къоппытæ сæвæрдзысты æртæ раны — сæйраг бацæуæны, филологон факультеты корпусы стæй экономикæ æмæ разамынды факультеты бæстыхайы. Бырæттæ хицæн кæндзысты цыппар хуызы: пластик, макулатурæ, авг æмæ алюминий. Кæй æрæмбырд кæной, уыцы бырæттæ хомаджы хуызы арвитдзысты Краснодармæ, сæрмагонд заводмæ. ЦИПУ-йы командæ «Сансарæ»-йы уæнгтæ сты куыд студенттæ, афтæ ахуыргæнджытæ дæр. Ацы аз бацыдис Уæрæсейы экологон квест «Разделяй с нами»- йы дæс хуыздæр командæйы хыгъдмæ. Архайдта дзы æхсай уæлдæр ахуыргæнæндоны. Бырæттæ хицæнæй æмбырд кæныны системæ баст у, æрдзон æвæрæнтæ хъахъхъæнынимæ, стæй экологи зианхæссæг фæзындтæй бахизынимæ. Пайда у экономикон æгъдауæй дæр.