Уый тыххæй æмгуыстады бадзырд бафыстой компанийы президент Сергей Дяченко æмæ институты ректор Юрий Дмитрак.
Цæгат Кавказы хæххон металлургон институт сси егъаудæр бындурон уæлдæр ахуыргæнæндон хæххон-металлургон компани «Норникель»-æн. Уый тыххæй æмгуыстады бадзырд бафыстой компанийы президент Сергей Дяченко æмæ институты ректор Юрий Дмитрак. Документмæ гæсгæ куыст цæудзæн ног гæнæнтыл, нæ уæлдæр ахуыргæнæндон та цæттæ кæндзæн сæрмагонд кадртæ. Уый фæстæ рауагъдонтæн куыст дæтдзысты Уæрæсейы металлургон куыстуæтты. Æрмæст ацы аз арæзтадон отрядты хыгъды ахæм куыстуæттæм нæ республикæйæ арвыстой 150 студенты. Уыдонæн фадат уыдзæн холдинджы архайдимæ базонгæ уæвынæн æмæ ма æхца бакусынæн дæр. Норильскæй делегацийæн раарфæ кодта Битарты Вячеслав. Загъта сын бузныг, компани нæ уæлдæр ахуыргæнæндоны студенттæм ахæм æргом кæй здахы, уый тыххæй. Компаниимæ æмгуыстад у тынг ахсджиаг Цæгат Ирыстонæн.
