Фæсивæд кад скодтой, хъæбатыр хæстонты рухс номæн, æмæ сын сæ цыртдзæвæнтыл сæвæрдтой дидинджытæ.
ЦИПУ-йы журналистикæйы æмæ аивæдты факультеты студенттæ бабæрæг кодтой Æфсæддон Намысы горæттæ: Налцык, Грозна æмæ Малгобек. Фæсивæд кад скодтой, хъæбатыр хæстонты рухс номæн, æмæ сын сæ цыртдзæвæнтыл сæвæрдтой дидинджытæ. Акци «Адæмты хæлардзинады – нæ иумæйаг уæлахиз» фæцис Дзæуджыхъæуы митинг-концертæй. Æфсæддон Намысы бынæттыл семæ æрзылди не сфæлдыстадон къорд дæр.Акцийы архайджытæ Дзæуджыхъæуы фыццаг бабæрæг кодтой Барбашовы фæз, Уым Ирыстон хъахъхъæнджыты æфсымæрон ингæныл сæвæрдтой дидинджытæ. Ацы уникалон æфсæддон-историон мемориал конд у, Фыдыбæстæйы Стыр хæсты хъæбатыр Петр Барбашовы кадæн, цы бынаты фæмарди, уым.Студенттæ уыдысты Гæздæнты авд æфсымæры цыртдзæвæны цур дæр, сæ ном сын æрхъуыды кодтой, минут æдзæмæй алæугæйæ.Акци фæцис «Дзæуджыхъæу – æфсæддон намысы горæт»-ы стелæйы цур. Уым та уыди митинг, стæй концерт.
Афтæ аивæдты факультеты студенттæ равдыстой Фыдыбæстæйы Стыр хæсты райдиан. Ахæм митингтæ ацыдысты Кавказы Æфсæддон Намысы горæтты се ппæты дæр. Акци «Адæмы хæлардзинады-нæ иумæйаг уæлахиз» у, Фыдыбæстæйы Стыр хæсты уæлахизыл иннæ аз 75 азы кæй сæххæст уыдзæн, уыимæ баст.
