Ныртæккæйы мæсыг арæзт æрцыди 1961-æм азы
Уæрæсейы сæйраг паддзахадон экспертизæ сфидар кодта Цæгат Ирыстоны ног телемæсыг саразыны проект. Ныртæккæйы мæсыг арæзт æрцыди 1961-æм азы. Проекты арæзтады рæстæг сейсмологон æмæ дымгæты уавæрты нормæтæм бæстон цæстдард нæ цыди. Цæмæй, нымæцон телеуынынад æмæ радиохъусынкæнынад республикæйыл уæрæхдæрæй аххæса, уый тыххæй хаст æрцыди ног радиотелевизион станцæ саразыны уынаффæ. Конд уыдзæни тæккæ нырыккондæр домæнтæм гæсгæ. Мæсыгæн йæ бæрзæнд уыдзæни 210 метры, уый у зæронд мæсыгæй 28 метрæй бæрзонддæр. Йæ фæзуатыл арæзт уыдзæн станцæйы техникон бæстыхай, стæй æндæр объекттæ. Уæ зæрдыл уын æй лæууын кæнæм, проектон документаци хорзыл банымадтой 2016-æм азы. Йæ бындуры фыццаг дур та æвæрд æрцыди 2018-æм азы.
