Ацы аз баст у Æппæтадæмон Олимпаг комитеты 125 азимæ, стæй 2019-æм азы Минскы дыккаг Европæйаг хъæзтытимæ.
Уæрæсейы сбæрæг кодтой Олимпаг бон. Ацы аз баст у Æппæтадæмон Олимпаг комитеты 125 азимæ, стæй 2019-æм азы Минскы дыккаг Европæйаг хъæзтытимæ. Дзæуджыхъæуы спортивон акци ацыди грекъаг-римаг хъæбысхæстæй Олимпаг чемпион Хуыгаты Аланы разамындæй. Спортсменимæ зарядкæ скæнын бафæндыд бирæ адæмы. Чемпион куыд зæгъы, афтæмæй спорт у цард, æмæ йыл хи ахуыр кæнын хъæуы гыццылæй фæстæмæ. Акцийæн æвдисæн уыди не сфæлдыстадон къорд дæр.
Олимпаг боны программæйы – футболæй, стритболæй, волейболæй, рог атлетикæйæ æмæ бадминтонæй ерыстæ. Грекъаг-римаг хъæбысхæстæй Олимпаг чемпион Хуыгаты Алан æвдисы спортивон фæлтæрæнтæ.
Райсомæй зарядкæ профессионалы разамындæй скæнын фæсивæды тынг разæнгард кæны. Фембæлдмæ æрбацыдысты спортсмены фарсхæцджытæ. Спортсменимæ зарядкæ скæнын нæ бахъыгдæрдта тæвд бон дæр. Хæрзиуæджы хуызы – чемпионимæ хуызист. Хуыгаты Алан дæр йæ рæстæг нæ бавгъау кодта, æмæ зæрдиагæй æрбацыди акцийы архайынмæ. Куыд зæгъы, афтæмæй спорт у цард. Боны райдиан зарядкæ скæн, æмæ суанг изæрмæ адæймаг уæнгрог.
Чемпионимæ зарядкæ скæнынмæ зæрдиагæй æрбацыдысты адæмы хсæн парахат йога-студиты минæвæрттæ дæр.Сыгъдæг уæлдæфы проекты архайын кæй бафæндыд, уыдон гыццыл нæ уыдысты. Æппæты кæстæрыл цыди 3 азы.
Цæмæй фидæны уæндон къахдзæф акæнай, уый тыххæй райдайын хъæуы гыццылæй, зарядкæйæ. Уæд, адæймагмæ уыдзæн спортивон удыхъæд, уыимæ та – æнæниздзинад.
