Бынæттон культурæйы хæдзары сценæйы сывæллæттæн равдыстой, зындгонд мультфильм «Фунтик»-ы мотивтæм гæсгæ пьесæ «Фокус-покус».
Уырыссаг Академион театры артисттæ Павлодольскæйы станицæмæ аластой дыууæ спектаклы.
Бынæттон культурæйы хæдзары сценæйы сывæллæттæн равдыстой, зындгонд мультфильм «Фунтик»-ы мотивтæм гæсгæ пьесæ «Фокус-покус». Фыццаг минуттæй актертæ æмæ æвзонг аивадуарзджыты хсæн уыдис бастдзинад. Фæсивæд зæрдиагæй æмæ цымыдисæй кастысты аргъаумæ. Хистæр кары адæмæн та, æвдыст æрцыди миниатюрæтæй конд пьесæ «Алцыдæр райдайы уарзондзинадæй». Хъæуты культурæйы хæдзæртты спектакльтæ æвдисыны традици æххæстгонд æрцæудзæн иннæ аз дæр. Уæ зæрдыл уын æй лæууын кæнæм, проект «Театр – хъæутæн» сси хорз традици. Арæзт цæуы республикæйы Сæргълæууæджы хъæппæрисæй. Битарты Вячеслав бахæс кодта, цæмæй театртæ æмæ концерттæ æвдыст цæуой Ирыстоны дæрддзæф хъæуты дæр.
